SBI కస్టమర్లకు అదిరిపోయే దసరా ఆఫర్.. 

స్టేట్ బ్యాంక్ అదిరిపోయే పండుగ ఆఫర్‌ను అందించింది. కస్టమర్లకు తక్కువ వడ్డీకే రుణాలు అందిస్తున్నట్లు పేర్కొంది. హోమ్ లోన్‌ను 8.15 శాతం ప్రారంభ వడ్డీ రేటుతో పొందొచ్చని తెలిపింది. అక్టోబర్ 1 నుంచి ఈ రుణాలు అందుబాటులోకి వస్తాయి.

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (ఎస్‌బీఐ) తన కస్టమర్లకు అదిరిపోయే పండుగ ఆఫర్ అందించింది. తక్కువ వడ్డీ రేటుకే హోమ్ లోన్స్‌ అందిస్తున్నట్లు ప్రకటించింది. ట్విట్టర్ వేదికగా ఈ విషయాన్ని వెల్లడించింది. దీంతో కస్టమర్లు స్టేట్ బ్యాంక్‌కు వెళ్లి తక్కువ వడ్డీ రేటుకే గృహ రుణాలు పొందొచ్చు.

‘‘ఎస్‌బీఐ హోమ్ లోన్‌తో మీ సొంతింటి కలను సాకారం చేసుకోండి. ఎక్స్‌టర్నల్ బెంచ్‌మార్క్ లెండింగ్ రేటు విధానంలో హోమ్ లోన్ వడ్డీ రేటు 8.15 శాతం నుంచి ప్రారంభమౌతోంది. దీంతో ఇప్పుడు మీరు సొంతిల్లు కలిగి ఉండొచ్చు. అక్టోబర్ 1 నుంచి ఈ రుణాలు అందుబాటటులోకి వస్తాయి’’ అని స్టేట్ బ్యాంక్ ట్వీట్ చేసింది.