'ప్రధాని ఇంటి ముందు హనుమాన్ చాలీసా పఠిస్తాం'

హనుమాన్‌ చాలీసా పఠనం ఇప్పుడు మహారాష్ట్ర రాజకీయాలను కుదిపేస్తోంది. తాము సీఎం ఉద్ధవ్‌ ఇంటి ముందు హనుమాన్‌ చాలీసా పఠనం చేస్తామని ఎంపీ నవనీత్‌ రాణా దంపతులు పేర్కొనడంతో ఈ వివాదం ప్రారంభమైంది

హనుమాన్‌ చాలీసా వివాదంపై కాషాయ పార్టీ తీరును శివసేన అధికార పత్రిక సామ్నా తప్పుపట్టింది. దీని వెనుక నిస్ప్రహకు లోనైన బీజేపీ ప్రోద్బలం ఉందని ఆరోపించింది. ఎన్‌సీపీ కూడా శివసేనతో గొంతుకలిపింది. మోడీ అధికారిక నివాసం ముందు హనుమాన్‌ చాలీసా, నమాజ్‌ చదువుతామని, అందుకు తమకు అనుమతి కావాలంటూ ఆపార్టీ నేరుగా కేంద్ర హోంమంత్రి అమిత్‌షాకు లేఖ రాసింది. ఎన్సీపీ నాయకురాలు ఫమీదా హసన్‌ ఖాన్‌ మాట్లాడుతూ.. ”ఢిల్లీలో లోకకల్యాణ్‌ మార్గ్ లోని ప్రధాని అధికారిక నివాసం ముందు నమాజ్‌ చేస్తా. హనుమాన్‌ చాలీసా, దుర్గా చాలీసా, నమోకార్‌ మంత్ర చదువుతా. ఇందుకు నాకు అనుమతి కావాలి” అని ఫమీదా హసన్‌ డిమాండ్‌ చేశారు.