నామినేషన్ దాఖలు చేసిన సీఎం కేసీఆర్

గజ్వేల్ ఎమ్మెల్యే అభ్యర్థిగా సీఎం కేసీఆర్ నామినేషన్ దాఖలు చేశారు. గజ్వేల్ ఆర్డీవో కార్యాలయంలో సీఎం తన నామినేషన్ పత్రాలను రిటర్నింగ్ అధికారికి అందజేశారు. అనుకున్న సమయానికి.. ముహుర్తం ప్రకారం మధ్యాహ్నం 2.34 గంటలకు ఎలాంటి ఆర్భాటాలు లేకుండా కొద్దిమంది అనుచరులతో కలిసి వచ్చిన సీఎం తన నామినేషన్‌ను అందజేశారు. అంతకుక్రితం కోనాయిపల్లి వేంకటేశ్వరస్వామి ఆలయంలో సీఎం ప్రత్యేక పూజలు నిర్వహించి బహిరంగ సభలో ప్రసంగించిన విషయం తెలిసిందే.