22 వరకు రైల్వే ఉద్యోగాల దరఖాస్తు గడువు పొడిగింపు

  • ఏప్రిల్ 22 వరకు దరఖాస్తు గడువును పొడిగించిన రైల్వే రిక్రూట్‌మెంట్ బోర్డు
  • ఆన్‌లైన్ ద్వారా ఏప్రిల్ 28 లోగా, ఎస్‌బీఐ/పోస్టాఫీస్ చలానా ద్వారా ఏప్రిల్ 26 లోగా ఫీజు చెల్లించాలి
  • ఏప్రిల్ 30 దరఖాస్తుల తుది సమర్పణకు చివరితేది
  • రైల్వేల్లో మొత్తం 1665 మినిస్టీరియల్, ఐసోలేటెట్ పోస్టులు
దేశంలోని వివిధ రైల్వే జోన్ల పరిధిలో ఖాళీగా ఉన్న మినిస్టీరియల్, ఐసోలేటెట్ పోస్టుల భర్తీకి సంబంధించిన దరఖాస్తు ప్రక్రియను రైల్వే రిక్రూట్‌మెంట్ బోర్డు పొడిగించింది.  షెడ్యూలు ప్రకారం ఏప్రిల్ 7తో దరఖాస్తు గడువు ముగియ నుంది. అయితే దరఖాస్తు గడువును 15 రోజులపాటు అంటే ఏప్రిల్ 22 వరకు పొడిగిస్తూ ఆర్‌ఆర్‌బీ నిర్ణయం తీసుకుంది. అభ్యర్థులు దరఖాస్తు ఫీజుగా రూ.500 చెల్లించి ఏప్రిల్ 22 వరకు ఆన్‌లైన్ ద్వారా దరఖాస్తు చేసుకోవాల్సి ఉంటుంది. ఎస్సీ, ఎస్టీ, మైనార్టీ, ఈబీసీ, దివ్యాంగులు, మహిళా అభ్యర్థులు, ట్రాన్స్‌జెండర్, ఎక్స్ సర్వీస్‌మెన్ అభ్యర్థులు రూ.250 చెల్లిస్తే సరిపోతుంది. ఆన్‌లైన్ ద్వారా ఏప్రిల్ 28 లోగా, ఎస్‌బీఐ/పోస్టాఫీస్ చలానా ద్వారా ఏప్రిల్ 26 మధ్యాహ్నం 1 గంటలోగా ఫీజు చెల్లించాల్సి ఉంటుంది. అయితే దరఖాస్తుల తుది సమర్పణకు ఏప్రిల్ 30ను తుది గడువుగా నిర్ణయించారు.
రైల్వేల్లో మొత్తం 1665 మినిస్టీరియల్, ఐసోలేటెట్ పోస్టుల భర్తీకి రైల్వే రిక్రూట్‌మెంట్ బోర్డు ఫిబ్రవరి చివరివారంలో నోటిఫికేషన్ జారీచేసిన సంగతి తెలిసిందే. పోస్టుల వారీగా విద్యార్హతలు, వయోపరిమితిని నిర్ణయించారు. ఆన్‌లైన్ రాతపరీక్ష (సీబీటీ), స్టెనోగ్రఫీ టెస్ట్, పర్‌ఫార్మాన్స్ టెస్ట్/ టీచింగ్ స్కిల్ టెస్ట్, డాక్యుమెంట్ వెరిఫికేషన్, మెడికల్ ఎగ్జామినేషన్ ద్వారా అభ్యర్థులను ఎంపిక చేస్తారు. జూన్-జులై మధ్యకాలంలో అభ్యర్థులను సీబీటీ పరీక్షలు నిర్వహించనున్నారు. అందులో ఉత్తీర్ణులైనవారిని తదుపరి దశలకు ఎంపికచేస్తారు.