bandla ganesh,reporter, election results, telangana congress

కోపంలో వంద అంటాం… అన్నీ చేస్తామా ఏంటీ

అర్హత లేని వాటికోసం ఆరాట పడకూడదు. అర్హతకి మించి పోరాడకూడదు. ఈ రెండు ప్రమాదమే. ఏమీ లేకుండా ఎగిరెగిరి పడేతే పళ్లు ఊడిపోవడం తప్ప ఏమీ ఉండదు. ముందు మైక్ ఉంది కాదా అని నోటి కొచ్చినట్లు మాట్లాడితే.. ఇదిగో పరిస్థితి బండ్ల గణేష్ మాదిరే ఉంటుంది. మాట జారితే దాని పర్యావసానం ఎలా ఉంటుందో బండ్ల గణేష్‌కి బాగా తెలిసొచ్చింది. అయితే గతంలో చాలా మంది నేతలు బాహాటంగానే మాటిచ్చి తప్పినా ఇంతిలా టార్గెట్ కాబడలేదు.. కాని బండ్ల గణేష్ విషయంలో సీన్ రివర్స్ అయ్యింది.

ఆయన ఒక్కసారి బ్లేడ్‌తో పీక కోసుకుంటా అన్న మాటకు సోషల్ మీడియాలో ఆయన పీకను జోకులు, కామెంట్స్‌తో బండ్ల గణేష్ పీకను పీస్ పీస్‌లుగా చేస్తున్నారు. ఎలక్షన్ రిజల్ట్ తరువాత అత్యధికంగా ట్రోల్ కాబడ్డారు బండ్ల గణేష్. కాంగ్రెస్ అధికారంలోకి రాకపోతే పీక కోసుకుంటా అన్న మాటకు.. ఏకంగా బ్లేడ్ పట్టుకుని ఆయన ఇంటికే వెళ్లాడు ఓ అత్యుత్సాహపు రిపోర్టర్. కాగా.. ఎలక్షన్స్ రిజల్ట్ తరువాత నుండి అజ్ఞాతవాసంలో ఉన్న బండ్ల గణేష్ ఎట్టకేలకు మీడియాతో మాట్లాడారు. వైకుంఠ ఏకాదశి సందర్భంగా తిరుమల దైవ దర్శనం చేసుకున్న బండ్ల గణేష్ భక్తులకు వైకుంఠ ఏకాదశి ఏకాదశి శుభాకాంక్షలు తెలియజేశారు. అనంతరం కాస్త నవ్వండి సార్..

ఎలా ఉన్నారు అని మీడియా పలకరిస్తే.. ఈ విధంగా స్పందించారు. ‘ఏం నవ్వుతాం.. నవ్వే పరిస్థితా మాది.. ఒక ఓటమి విజయానికి పునాది. అందరికీ వైకుంఠ ఏకాదశి శుభాకాంక్షలు.. అందర్నీ స్వామివారు చల్లగా చూడాలని కోరుకుంటున్నారు. నేను అజ్ఞాతంలో ఉన్నా అంటున్నారు. కాని నేను అజ్ఞాతంలో లేను. నేను అనుకున్న మా పార్టీ ఓడిపోయింది కాబట్టి రెండు మూడు రోజులు బాధతో బయటకు రాలేదు. మనం ఎన్నో ఊహించుకుంటాం.. కాకపోతే ప్రజలు తిరస్కరించారు. కాబట్టి మౌనంగా ఉన్నాం. ప్రజలు మా పక్షాన లేకపోవడం బాధ కలిగించింది. అయితే వారి నిర్ణయాన్ని కాదనలేం.

కోపంలో వంద అంటాం.. రాజకీయాల్లో చాలా మంది చాలా అంటారు అవన్నీ అవుతాయా? గెలవలేదు కరక్టే ఇప్పుడు ఏం చేయమంటారు? పీక కోసుకోలేంగా.. మా పార్టీ నాయకులకు కాన్ఫిడెన్స్ ఇద్దాం అని పీక కోసుకుంటా అన్నా.. ఆ కాన్ఫిడెన్స్ కాస్తా ఓవర్ కాన్ఫిడెన్స్ అయ్యింది. ఏం చేస్తాం.. దేవుడి సన్నిధానంలో ఉన్నాం కాబట్టి కొన్ని ఇక్కడ మాట్లాడకూడదు మిగతావి తరువాత మాట్లాడతా’ అంటూ తనదైన శైలిలో బ్లాడ్ కామెంట్స్‌పై వివరణ ఇచ్చారు బండ్ల గణేష్.
Tags: bandla ganesh,reporter, election results, telangana congress